Kiye çı “Tolışi Sədo” redaktor?
Bəmı ve ovardedən ki, kiye çı “Tolışi Sədo” redaktor, tıniş, ya Hilal? Azən cəvob doydəm ki, az çı “Tolışon Sədo” redaktorim, çı “Tolışi Sədo” redaktor rəhmətşə ustod Nəvuzəli muəllimbe..
Imşanqo çəmə bo Boris Tal
ischinski ijənən de parsi bəmı ovardışe, az çənnə bə tolışon bəvotem ki, Hilal Məmmədov redaktor ni, həni bezo bəm, məcburim bə tolışə ictimaiyyəti ovardom: “Tolışi Sədo” 9 sor çimi bə nav de Hilal Məmmədovi hikkə dəbastə bə, çı “Tolışi Sədo” rujnomə sıvoy rəhməyşə şəhid Novruzəli Məmmədovi redaktorış ni…
…Bı video (diyəkə: https://www.youtube.com/watch?v=FRfl0-26wBk ) 44-minnə dəyğədə Mehdibəy Səfərovi bənəy “Tolışi Sədo” rujnomə sərredaktori təğdim kardedən, Mehdibəy Səfərovan votedəni ki, əv redaktor ni. Ehanə Mehdibəy Səfərov bə Sədaqət Kərimova ıştəni bənəy “Tolışi Sədo”, əslində “Tolışon Sədo” rujnomə redaktori təğdim kardəşnıbusə, Sədaqət Kərimova boçi bəpe əy bənəy redaktori təğdimkə? Bıvotəmon ki, Sədaqət xanımi səhv kardışe, dəqijyəy, bəs Mehdibəy Səfərov boçi bəçəy votəyon sərosti nıvardışe?
Azərbaycani Tolışon İctimai Şura (ATİŞ) bəyanati jintono Hilal Məmmədovi bənəy huğuğ mudafiəçi iyən “Tolışi Sədo” rujnomə redaktori bəmə edaştedən. Deəçəy huğuğ mudafiə koyım ni, bomıro əv huğuğ mudafiəçi ni, bəbəy çı Fəxrəddin muəllimi mudafiə həxədə i cumlə ənıvışti, dəvardom bəçəy “redaktor”əti. Ehanə redaktoresə, boçi “Tolışi Sədo” dərci bino kardedəni? Oxo “Tolışi Sədo” əv dəbastəşe, az parsedənim ki bəy aspardışe ki, “Tolışi Sədo” dərc nıbu, əv bəzne deştə Xıdo, az parsedəm: Iştəni bənəy “Tolışi Sədo” redaktori bı milləti “dəfırsınye” bəşmə çiç doydə, yaanki bə Tolışi lıvemoni çı xəyrış heste? Boçi milləti dəqıjındəşon? Məğsədon çiçe?
“Tolışi Sədo” oxminnə numrə 2011-minnə sori maya manqədə, de çımı zu dərc bə, peşo Hilal Məmmədov çı “Tolışi Sədo” dərci oqətəşe.
Azərbaycani Ədliyyə Vəzarətədə çı “Tolışi Sədo” təsisəkə Novruzəli Məmmədove, çı “Tolışon Sədo” təsisəkə Rafiq Cəlilov.
Az bə ATİŞ-i üzvon 48 saat vaxt doydəm, ya əvon bı 48 saati dılədə Hilal Məmmədovi çı “Tolışi Sədo” redaktor be subut bəkarden, yaanki əçəy redaktor nıbe rəsmən elan bəkarden. Vaxt şe, ehanə ATİŞ-i məğsəd bo tolışə xəlği ko kardeyesə, çimiku jəqo camaati dəqıjniyə bəyanaton ədəni, azən ım məsəlon bə ictimai tasıb (muzakirə) bekarde zorədə əmandnim. Iştə xəton, komon ki, milləti dəqıjnedə, sərostkən, mıni məcbur məkən az çı “tolerantə” hukuməti “multikultural milli siyasəti” canqi bınəm bə kəno, deşmə bə canq beşum…
Rafiq Cəlilov
Respublika Tolışi Mədəniyyət Mərkəzi sədr.
“Tolışon Sədo” rujnomə sərredaktor
Rafiqibloq 